“Filenin Sultanları” ifadəsi Türkiyə qadın voleybol milli komandasının məşhur ləqəbidir. Burada: “File” – voleybol oyununda ortadan keçəb toru bildirir. “Sultanlar” – Osmanlı imperiyasındakı sultan tituluna işarə edərək güc, hakimiyyət və liderlik mənası daşıyır. Başqa sözlə, “meydanın sahibləri” kimi də xarakterizə etmək oalr bu termini.
İfadə ilk dəfə 2000-ci illərin əvvəllərində Türkiyə media orqanları tərəfindən işlədilməyə başlanıb. Bu ləqəb əsasən qadın milli komandanın beynəlxalq turnirlərdə qazandığı uğurlardan sonra populyarlaşdı. Xüsusilə 2003-cü ildə Avropa Çempionatında Türkiyə qadın voleybol komandası finala çıxanda “Filenin Sultanları” adı bütün ölkədə məşhur oldu.
Bu gün “Filenin Sultanları” sadəcə bir ləqəb deyil, Türkiyədə idman mədəniyyətinin bir parçasıdır. Komanda son illərdə bir çox beynəlxalq turnirdə böyük nailiyyətlər qazanıb: 2021 Avropa Çempionatında bürünc medal, 2023 CEV Avropa Çempionu, FIVB Dünya Çempionatlarında yüksək yerlər, Paris 2024 Olimpiya Oyunlarına vəsiqə. Hər uğurda media və azarkeşlər bu ifadəni xüsusi vurğulayır, sosial şəbəkələrdə “#FileninSultanları” trend olur.
Bunlar da maraqlıdır
