Favorit komandanın oyunun əvvəlində hesabı açması çoxları üçün matçın bolqollu keçəcəyinə işarə kimi görünür. Amma əslində futbolun məntiqi çox vaxt bunun əksini göstərir. Çünki güclü komanda erkən qol vurandan sonra artıq əsas məqsədini yerinə yetirmiş olur və bundan sonra bütün diqqətini hücuma yox, oyuna nəzarətə yönəldir. Belə məqamlarda favorit tərəf risk etmədən topu daha çox özündə saxlayır, tempi aşağı salır və rəqibin irəli çıxmasını gözləyir.
Bu da oyunun açıq futbola çevrilməsinin qarşısını alır. Digər tərəfdən hesabda geri düşən zəif komanda da çox vaxt dərhal böyük riskə getmir. Çünki erkən ikinci qolu buraxmaq oyunu tam bitirə bilər. Nəticədə hər iki tərəf bir müddət daha ehtiyatlı davranır və oyun gözlənildiyi qədər açılmır. Məhz buna görə favorit erkən qol vuranda matç çox vaxt yüksək hesabla yox, daha nəzarətli və az qollu ssenari ilə davam edir.
Bunlar da maraqlıdır
