{"id":2265,"date":"2026-05-18T10:45:37","date_gmt":"2026-05-18T10:45:37","guid":{"rendered":"https:\/\/azbetsport.com\/?p=2265"},"modified":"2026-06-27T10:47:51","modified_gmt":"2026-06-27T10:47:51","slug":"mirra-andreyeva-c%c9%99mi-19-yasinda-dunya-tennisinin-yeni-ulduzu-idi","status":"publish","type":"post","link":"https:\/\/azbetsport.com\/?p=2265","title":{"rendered":"Mirra Andreyeva: C\u0259mi 19 ya\u015f\u0131nda d\u00fcnya tennisinin yeni ulduzu idi"},"content":{"rendered":"

Son illərdə qadın tennisində ən sürətli yüksəliş göstərən idmançılardan biri heç şübhəsiz Mirra Andreyevadır (Mirra Andreeva). Yyeniyetmə yaşlarında olmasına baxmayaraq, dünyanın ən güclü tennisçilərini məğlub etməsi, soyuqqanlı oyunu və peşəkar davranışı ona “gələcəyin dünya bir nömrəsi” titulunu qazandırıb. Mütəxəssislər hesab edirlər ki, qarşıdakı illərdə qadın tennisinin əsas simalarından biri məhz Mirra olacaq.<\/p>\n\n\n\n

Mirra Andreyeva 29 aprel 2007-ci ildə Rusiyanın Krasnoyarsk şəhərində anadan olub. Milliyyətcə rusdur. Ailəsində idmana maraq həmişə böyük olub. Onun böyük bacısı Erika Andreyeva da peşəkar tennisçidir. Valideynləri Raisa Andreyeva və Aleksandr Andreyev hər iki qızlarının tennis karyerası üçün böyük fədakarlıqlar ediblər. Mirra sonralar verdiyi müsahibələrdə etiraf edib ki, anası hələ Erika dünyaya gəlməmişdən əvvəl gecələr tennis oyunlarına baxır, qızlarının gələcəyini bu idman növündə görürdü. Nəticədə ailə voleybol və tennis arasında seçim edib və bu seçim onların taleyini dəyişib.<\/p>\n\n\n\n

Ətraflı oxu<\/span>Hasan Şaş – Braziliya millisini çətinə salan əfsanə<\/span><\/a><\/div>

Mirra dörd yaşından raket tutmağa başlayıb. Daha sonra ailə əvvəlcə Moskvaya, sonra isə məşqlərini daha peşəkar səviyyədə davam etdirmək üçün Fransanın Kann şəhərinə köçüb. Burada o, məşhur məşqçi Conchita Martínez ilə işləməyə başlayıb. Məhz bu əməkdaşlıq onun oyununda böyük dönüş yaradıb.<\/p>\n\n\n\n

Peşəkar karyerasında yüksəliş inanılmaz sürətlə baş verdi. Mirra 17 yaşında ilk WTA 1000 titulunu qazandı, qısa müddət sonra dünyanın ilk onluğuna daxil oldu və 2026-cı ildə ilk “Böyük Dəbilqə” titulunu qazanaraq bütün tennis dünyasını heyrətləndirdi. Eyni zamanda o, 19 yaşında Roland Qarros çempionu olan ən gənc tennisçilərdən birinə çevrildi.<\/p>\n\n\n\n

Mirra Andreyevanın oyun üslubu da xüsusi diqqət çəkir. O, yalnız güclü zərbələrə güvənən tennisçi deyil. Kortu çox yaxşı görür, rəqibin zəif nöqtələrini tez müəyyənləşdirir və yaşına görə qeyri-adi soyuqqanlı qərarlar verir. Bir çox mütəxəssis onun tennis intellektini keçmiş dünya ulduzları ilə müqayisə edir. Roger Federer də Mirranın bəyəndiyi tennisçilərdən biridir və o, müsahibələrində Federer kimi sakit qalmağa çalışdığını dəfələrlə bildirib.<\/p>\n\n\n\n

Şəxsi həyatına gəlincə, Mirra bu mövzuda digər məşhurlarla müqayisədə xeyli qapalıdır. Onun indiyədək rəsmi şəkildə təsdiqlənmiş sevgilisi və ya nişanlısı yoxdur. Xarici media zaman-zaman müxtəlif şayiələr yaysa da, bunların heç biri təsdiqini tapmayıb. Mirra müsahibələrində hazırda əsas diqqətini yalnız tennisə yönəltdiyini, şəxsi həyat barədə danışmağı sevmədiyini bildirib. Buna görə də o, şəxsi münasibətlərini ictimaiyyətdən uzaq saxlamağa üstünlük verir.<\/p>\n\n\n\n

Ailə isə onun üçün hər zaman birinci yerdədir. Turnirlər zamanı anası Raisa tez-tez tribunadan ona dəstək verir, atası Aleksandr isə uzun illər maliyyə və təşkilati məsələlərlə məşğul olub. Böyük bacısı Erika ilə münasibətləri də çox yaxındır. Hər ikisi peşəkar tennisçi olsalar da, Mirra bildirib ki, onlar kortdan kənarda ilk növbədə bacıdırlar və bir-birlərinin ən böyük dəstəkçiləridir.<\/p>\n\n\n\n

Mirra Andreyeva sosial şəbəkələrdə də təvazökar davranışı ilə seçilir. Digər gənc ulduzlardan fərqli olaraq, dəbdəbəli həyat tərzi nümayiş etdirmir. Boş vaxtlarında kitab oxumağı, filmlərə baxmağı, pin kolleksiyası toplamağı və məşqçisinin iti ilə gəzməyi sevdiyini deyir. Bu sadə həyat tərzi onun azarkeşləri tərəfindən də yüksək qiymətləndirilir.<\/p>\n\n\n\n

Cəmi 19 yaşında olmasına baxmayaraq, Mirra Andreyeva artıq dünya tennisinin əsas simalarından birinə çevrilib. Mütəxəssislər hesab edirlər ki, əgər sağlamlığını qoruyub indiki inkişaf tempini davam etdirə bilsə, qarşıdakı on ildə qadın tennisinə məhz onun adı damğa vuracaq.<\/p>\n

Bunlar da maraqlıdır<\/h2>
\"\"\"\"<\/a><\/div><\/div>
Sha'Carri Richardson: Dünyanın ən sürətli qadınlarından birinin...<\/a><\/div><\/div>
\nYüngül atletika ilə maraqlanmayan insanlar belə son illərdə Şa Karri...<\/span><\/div><\/div>
<\/div><\/div>
\"\"\"\"<\/a><\/div><\/div>
Embla Njerve - Norveç atletikasının ulduzu<\/a><\/div><\/div>
\n2007-ci il 22 fevralda Norveçdə anadan olan Embla Matilde Njerve...<\/span><\/div><\/div>
<\/div><\/div>
\"\"\"\"<\/a><\/div><\/div>
Ludomaniya nədir və hansı fəsadlara gətirib çıxara...<\/a><\/div><\/div>
\nAzart oyuna, qumara və mərc asılılığına ludomaniya deyilir. Bu söz...<\/span><\/div><\/div>
<\/div><\/div><\/div>